“Геодези-2016”  улсын анхдугаар олимпиадыг Геодезийн салбараас 2016 оны 10 сарын 29-нд  их, дээд сургуулиудын мэргэжлийн болон мэргэжлийн бус ангийн оюутнуудын дунд 2 түвшинд зохион байгууллаа. Олимпиадын I түвшинд “Геодези” мэргэжлийн ангийн 2-р курсын болон геодезийн хичээл судалж байгаа Газар зохион байгуулалт, Иргэний ба үйлдвэрийн барилгын инженер, Автозамын инженер мэргэжлээр суралцаж байгаа мэргэжлийн бус ангийн оюутнууд оролцлоо.  Энэ түвшинд ШУТИС, ХААИС, Техник, Технологийн дээд сургууль, Техник, Технологийн дээд сургуулийн Монгол Коосэн ахлах сургууль, Их Засаг Олон Улсын Их Сургуулиудын 6 хүний бүрэлдхүүнтэй нийт 8 баг оролцсон. Үүнд:

1. ШУТИС-ийн геодезийн 2-р курсын “Геодези” баг,
2. ШУТИС-ийн маркшейдерийн 2-р курсын “Miners” баг,
3. ХААИС-ийн Ландшафтны архитектурын мэргэжлийн ангийн “Амжилт” баг,
4. ХААИС-ийн Газар зохион байгуулалтын ангийн “Энержи Ланд” баг,
5. Техник, Технологийн дээд сургуулийн барилгын инженерийн ангийн  “IET” баг,
6. Техник, Технологийн дээд сургуулийн Монгол Коосэн ахлах сургуулийн  барилгын инженерийн ангийн “Усан” баг,
7. Техник, Технологийн дээд сургуулийн Монгол Коосэн ахлах сургуулийн  барилгын инженерийн ангийн  “Зөв хэмжилт” баг,
8. Их Засаг Олон Улсын Их Сургуулийн барилгын инженерийн ангийн “Инженер” баг.

Эдгээр багууд нь геодезийн онолын мэдлэгийн асуулт хариултын тэмцээн,  багаж төвлөрүүлэлт, өнцөг хэмжилтийн тэмцээн, багийн ахлагч нарын дундах тэмцээн, “Геодези зураг зүйн үйлдвэрлэлийн хөдөлмөр хамгаалал, аюулгүй ажиллагаа, эрүүл ахуй” сэдэвт гэрийн даалгаврын тэмцээнд мэргэжлийн ур чадвар, онол практикийн мэдлэгээрээ уралдаж, авхаамж самбаагаа сорилоо.

Тэргүүн байрыг ШУТИС-ийн ГУУС-ийн “Геодези” баг, дэд байрыг ХААИС-ийн “Амжилт” баг,  3-р байрыг ИЗОУИС-ийн  “Инженер” баг эзэллээ.

Олимпиадын II түвшинд “Геодезийн”  болон Газар зохион байгуулалт ангийн 3 ба 4-р курсын оюутнууд оролцлоо.  Энэ түвшинд ШУТИС, ХААИС, МҮИС-ийн 6 хүний бүрэлдхүүнтэй нийт 8 баг оролцсон. Үүнд:

1. ШУТИС-ийн маркшейдерийн 4-р курсын “Марк-Z” баг,
2. ШУТИС-ийн геодезийн 3-р курсын  “Evolution” баг,
3. ШУТИС-ийн газрын кадастрын 3-4-р курсын  “Z” баг,
4. ШУТИС-ийн геодезийн 3-р курсын  “Меридиан” баг,
5. ШУТИС-ийн геодезийн 4-р курсын  “Тулах цэг” баг,
6. ШУТИС-ийн геодезийн 4-р курсын  “Base” баг,
7. ХААИС-ийн газар зохион байгуулалтын ангийн “Terra Dominus” баг ,
8. Монголын Үндэсний Их сургуулийн  Газар зохион байгуулалтын ангийн “Үндэстэн” баг.  

Эдгээр багууд нь геодезийн онолын мэдлэгийн асуулт хариултын тэмцээн,  багийн ахлагч нарын дундах тэмцээн,  “Өөрсдийн сургуулийн орчины эдэлбэр газрын 1:500 том мастшабын байр зүйн дэвсгэр зургийг 3 хэмжээсээр үйлдэх” сэдэвт гэрийн даалгаврын тэмцээнд мэргэжлийн ур чадвар, онол практикийн мэдлэгээрээ уралдаж, авхаамж самбаагаа сорьж, тэргүүн байрыг ГУУС-ийн  Геодезийн 3-р курсын “Evolution”, дэд байрыг Геодезийн 4-р курсын  “Base” баг,  3-р байрыг Геодезийн 4-р курсын  “Тулах цэг” баг эзэллээ.

Олимпиадын шүүгчдийн комиссын даргаар Газар зохион байгуулалт, Геодези, зураг зүйн газрын Геодезийн хэлтэсийн ахлах мэргэжилтэн Д. Мөнхцэцэг, гишүүдэд: ГУУС-ийн Геодезийн салбарын эрхлэгч Д. Оюунцэцэг, “Бориг тэс “ ХХК-ийн захирал Ч. Ядмаа, МГЗЗФ-ийн удирдах зөвлөлийн гишүүн Д. Даваажаргал, Б. Дамдинбазар нар оролцлоо. 

 Зураг 1. “Геодези-2016” олимпиадыг нээж,  ГУУС-ийн Геодезийн салбарын эрхлэгч Д. Оюунцэцэг үг хэллээ.

Зураг 2. Багууд даалгаврын гүйцэтгэлийг шалгуулж байгаа байдал

Зураг 3. Багаа удирдаж оролцсон их дээд сургуулийн багш нар

Зураг 4. Багууд даалгавар гүйцэтгэж, шүүгчид болон багш нар хяналт тавьж байна.

Зураг 5. I түвшинд оролцсон багууд

Зураг 5. II түвшинд оролцсон багууд

Зураг 6. Тэргүүн байрыг  эзэлсэн ШУТИС-ийн ГУУС-ийн “Геодези” багийн гишүүдэд шагнал гардуулж байна.

Зураг 7. Дэд байр эзэлсэн ХААИС-ийн “Амжилт” багийн гишүүдэд шагнал гардуулж байна.

Зураг 8. 3-р байрыг  эзэлсэн ИЗОУИС-ийн  “Инженер” багийн гишүүдэд шагнал гардуулж байна.

Зураг 9. II түвшинд 1-р байрыг эзэлсэн Геодезийн 3-р курсын “Evolution” баг

Зураг 10. II түвшинд 2-р байрыг эзэлсэн Геодезийн 4-р курсын  “Base” баг