“ОЮУНЛАГ ИРЭЭДҮЙ” ОЮУТНЫ ЭРДЭМ ШИНЖИЛГЭЭНИЙ БАГА ХУРЛЫН УДИРДАМЖ

ЭРХЭМ ХҮНДЭТ БАГШ, ОЮУТНУУДАД

               Зохион байгуулагч: “Танан импекс”ХХК

                                         Монгол Улсын Өрөмдлөгийн Холбоо

                                         ШУТИС-ийн Геологи, Уул уурхайн Сургууль

Хугацаа: 2015 оны 11 дүгээр сарын 19-ны өдрийн 13 цагт ШУТИС-ийн ШУТ төв номын сангийн 604 өрөөнд  явагдах гэж байгаа тул оюутан залуучууд та бүхнийг өргөнөөр оролцохыг урьж байна.

Зорилго: “Танан Импекс” ХХК нь оюутнуудын эрдэм шинжилгээний бүтээлийг сурталчлах, судалгааны ажлыг урамшуулан дэмжих, тэдний шинэ санаа, бүтээлч сэтгэлгээг үйлдвэрлэлд нэвтрүүлэх, хамтарч ажиллах зорилготойгоор өөрийн компанийн нэрэмжит “Оюунлаг ирээдүй” оюутны эрдэм шинжилгээний бага хурлыг Монгол Улсын Өрөмдлөгийн Холбоо, ШУТИС-ийн ГУУС-тай хамтран  13 дахь жилдээ зохион байгуулж байна.

Оролцогчид: Уг эрдэм шинжилгээний бага хуралд геологи, өрөмдлөг, гидрогеологи, хөдөө аж ахуй, эдийн засаг, маркетинг менежментийн чиглэлээр суралцаж  байгаа бакалавр оюутнууд төдийгүй геологи хайгуулын ажлын маркетинг-менежмент, тоног төхөөрөмжийн шинэчлэл, засвар үйлчилгээ, бараа бүтээгдэхүүний нийлүүлэлт, хангамж үйлчилгээний чиглэлээр судалгааны ажил хийж байгаа оюутнууд оролцох боломжтой бөгөөд шалгарсан оюутнууд мэргэжлийн дагуу дадлага хийх, ажлын байраар хангагдах зэрэг давуу талуудтай юм.

              Сэдвийн хамрах хүрээ: Сүүлийн үеийн дэвшилтэт техник, технологи

• Геологи хайгуулын өрөмдлөг, гидрогеологийн өрөмдлөг
• Техникийн механик, метал боловсруулалт
• Менежмент, маркетинг
• Байгаль, экологийн асуудал
• Үйлдвэрлэлийн эдийн засаг

Шалгаруулалт: “ОЮУНЛАГ ИРЭЭДҮЙ-2015” эрдэм шинжилгээний хурал нь 2 үе шаттай зохион байгуулагдана. Үүнд:

1-р үе шат:  Ирүүлсэн нийт бүтээлүүдээс дараагийн шатанд орох 10 оюутныг шалгаруулна .

(Эхний шатны шалгаруулалт нь 2015 оны 11 дүгээр сарын 16-ны өдрийн 11⁰⁰ цагт “Танан Импекс”ХХК-ний хурлын танхимд болно)

2-р үе шат: 1-р шатнаас шалгарсан  илтгэлүүдээс шилдэг илтгэлийн эздийг тодруулна.

(Сүүлийн шатны шалгаруулалт нь 2015 оны 11 дүгээр сарын 19-ны өдөр 13⁰⁰ цагт ШУТИС-ийн Номын сангийн 604 тоот хурлын танхимд болно)

Илтгэлийг хүлээн авах: 2015 оны 11 дүгээр сарын 13-ний 18⁰⁰ цаг хүртэл илтгэлийг файлаар  oyunlag_ireedui@tananimpex.mn хаягаар явуулсан байх  мөн  хэвлэсэн байдлаар Сонгино Хайрхан дүүрэг 4 дүгээр хороо, Номин агуулахын ард байрлах “Танан Импекс” ХХК-ний байранд хүлээн авна.

УРАЛДААНД ИРҮҮЛЭХ  БҮТЭЭЛД ТАВИГДАХ  ШААРДЛАГА:         

• Сүүлийн үеийн дэвшилтэт техник, технологийн тухай
• Үйлдвэрлэлд хэрэгжиж болохуйц
• Шинэлэг санаа  дэвшүүлсэн
• Бодит мэдээлэл ашиглаж, сүүлийн үеийн тоо баримтаар баталгаажуулсан
• Судалгааны орчин үеийн арга хэрэгслүүдийг ашигласан
• Ишлэл зүүлтийн заалт бичих
• Ашигласан материалын жагсаалт бичих
• Удиртгал, илтгэлийн агуулга, ерөнхий  дүгнэлт, зөвлөмжийг хийсэн байдал

ИЛТГЭЛИЙН  БОЛОВСРУУЛАЛТ:                    

Шилдэг илтгэлийг шалгаруулах үзүүлэлтүүд:

• Шинэлэг санаа, шийдэл, илтгэлийн сэдвийн ач холбогдол-30 оноо
• Судалгааны шинэлэг байдал, арга зүйн ашиглалт-30 оноо
• Практик ач холбогдолтой-20 оноо
• Гаргасан дүгнэлт, үр дүн зөвлөмж бодитой эсэх-10 оноо
• Илтгэх ур чадвар- 10 оноо  

             Илтгэх хугацаа: Үндсэн илтгэл -6 мин

                                     Асуулт хариултын цаг -5 мин

           Шагнал урамшуулал: 

• I-р байр-400.000төг,  өргөмжлөл -1 оюутан, удирдсан багш -100,000 төг
• II-р байр-300.000төг,  өргөмжлөл -1 оюутан, удирдсан багш -80,000 төг
• Тусгай байр-200.000төг, өргөмжлөл -1 оюутан, удирдсан багш -60,000 төг

Дэлгэрэнгүй мэдээллийг:

Холбоо барих утас: 99016871, 99764013, 70281949

Веб:www.tananimpex.mn

www.mda.mn