Ази-Европын уулзалт (ACEM) Улаанбаатар хотод зохион байгуулагдах гэж байгаатай холбогдуулан Шинжлэх ухаан, технологийн их сургууль нийгмийн хариуцлагыг хэрэгжүүлэх ажлын хүрээнд 1000 гаруй оюутан, багш, ажилтан оролцсон “Их цэвэрлэгээ”-ний ажлыг 2016 оны 5 дугаар сарын 14-ний Бямба гарагт  хийлээ.

Зайсангийн гүүрний баруун талд байрлах Миний дэлгүүрийн задгай талбайд “ШУТИС  Ази-Европын уулзалт(АСЕМ)-д зориулан их цэвэрлэгээ”-г нээж ШУТИС-ийн ректор Б.Очирбат үг хэлж, проректор, бүрэлдэхүүн сургуулийн захирал, профессор багш, оюутнууд оролцлоо.  

Маршалын гүүрнээс Яармагийн гүүр хүртэлх Туул голын ай сав газрын хог, Дархан цаазат Богдхан уулын яармагийн гүүрний хэсгийн ам болон замын хэсэг,  “Japan town” хорооллоос Их Монгол Улсын гудамж хүртэлх хогийг цэвэрлэлээ. Мөн ШУТИС-ийн задгай талбайд ҮТС-ийн 100 гаруй багш, оюутнууд зүлэг тарьж, ШУТИС–ийн хичээлийн I, II байрны орчны хогийг цэвэрлэлээ.

Нийслэлийн ХУД-ийн Тохижилт, үйлчилгээний төвийн 4 хогны машин багш, оюутнуудын цэвэрлэсэн 16.2 тонн хогийг тээвэрлэв. Мөн Сутайн Буянт ХХК” 2 автобус 10-16 цагийн хооронд багш, оюутнуудыг цэвэрлэгээ хийх газарт хүргэж, тээвэрлэн үйлчиллээ.

 “Japan town” хорооллоос Их Монгол улсын гудамж хүртэлх 1,1 км замын хогийг цэвэрлэж  буй байдал

Яармагийн гүүрнээс Хийморь хотхон хүртэлх замын хэсэг, Богдхан уулын амыг цэвэрлэж буй байдал

Маршалын гүүрнээс Яармагийн гүүр хүртэлх Туул голын ай сав газарт цэвэрлэгээ хийсэн байдал

ШУТИС-ийн задгай талбайд зүлэг тарьж буй байдал

ШУТИС-ийн задгай талбайн арын хэсгийг цэвэрлэгээ хийсэн байдал

ШУТИС  Ази-Европын уулзалт (АСЕМ)-д зориулсан их цэвэрлэгээнд оролцсон байдал

Нийслэл хотынхоо өнгө үзэмжинд хувь нэмэр оруулан их цэвэрлэгээнд идэвх, санаачилагатай оролцсон багш, оюутнууддаа талархал илэрхийлье.

ШУТИС, ОЮУТНЫ ХӨГЖИЛ, ҮЙЛЧИЛГЭЭНИЙ АЛБА